Gullingen ligg i Suldal kommune. Med sine 1.740 km2 er kommunen den største i Rogaland. Innbyggjartalet er knappe 4000.

Frå gamalt har Suldal vore ein landbrukskommune. Nå har me eit mangfaldig næringsliv der landbruket framleis utgjer ein viktig del. Det kommunale tenestetilbodet er godt utbygt.

Kommunesenteret Sand er eit trafikknutepunkt, handels- og skulesenter. Her finn du spesialforretningar, legekontor, apotek og tannlege.

Stavanger Turistforening (STF) har seks av sine hytter i Suldalsheiane. Bildet viser Stranddalshytta.

Suldal har ein særleg rik kulturarv å forvalta i alle dei spora som finst att frå tidlegare tider. Her er eit høgt tal registrerte kulturminne, særleg frå nyare tid. Bilde viser kvern ved Kolbeinstveit.

Vatn og vassdrag utgjer 55 km2 av Suldal sitt totale areal. I følgje NVE-atlas er det omlag 2200 vatn og tjern over 2,5 dekar i kommunen. På bildet ser me Gjåvatnet.

Suldalsvassdraget er det mest vassrike på Vestlandet og er eit av dei viktigaste naturelementa i kommunen. Vassdraget er kraftig regulert, men er likevel svært sentral for friluft- og reiseliv. For fiskeinteresserte er Suldalslågen kjend som ei storlakselv. Rekorden er 34 kilo!

Naturen er karakterisert av kraftige kontrastar og stort mangfald i naturtypar. Ei skifting i berggrunnen mellom hardt grunnfjell og mjukare, næringsrike sedimentbergartar gjev stor variasjon i vegetasjonen. Ein blom me finn her og berre få andre stadar i Noreg er bergjunker.