Ei leirskuleveke gir òg sosial trening, og kan bidra til å styrke det sosiale samspelet i klassen.

Kva er Gullingen leirskule?

Gullingen leirskule er ein bemanna leirskule anbefalt av Norsk Leirskuleforening. Leirskulen har fire fast tilsette lærarar, alle med pedagogisk utdanning og lang erfaring i uteskule og friluftsliv. Lærarane er tilsette i Suldal kommune.

Leirskulen vert driven på Gullingen Fjellstove.Vertskapet her er ein aktiv medspelar i drifta av leirskulen.
Fjellstova

Kor ligg leirskulen?

Gullingen leirskule ligg ved Mosvatnet i Suldal kommune (570 m.o.h.). Det er kort veg til snaufjellet som strekkjer seg opp til 1144 m.o.h. Med sitt varierte og småkuperte terreng, er Gullingen-området godt egna som utfartsområde. Snøforholda er normalt gode heile vinteren.
Kart
Gullingenområdet

Kven kjem til Gullingen leirskule?

Leirskule er grunnskuleundervisning, og me ønskjer alle typar klasser og elevar velkomne. Bygningar og oplegga våre er godt tilrettelagte for elevar med funksjonshemmingar. I ei normalveke på leirskulen har me 60-80 elevar.

Når driv me leirskule?

Ei leirskuleveke på Gullingen er normalt frå måndag til fredag (4 døger). I einskilde veker har me òg 3 døgers opphald. Me driv leirskule heile skuleåret fordelt på 4 ulike sesonger.
Sesongane

Skal klassen/skulen din på leirskule dei komande åra?

Generelt bør ein bestille plass på Gullingen i god tid, gjerne 3-6 år fram i tid. Men det er likevel ofte ledige plassar for både større og mindre klassar/skular dei næraste skuleåra. Ta gjerne kontakt med oss på telefon, pr. brev eller på e-post for å høyre om ledige veker til din klasse.
Ledige veker